Пауло Дибала: «Менда ҳам "Ювентус" сингари ғолиблик руҳи кучли»

"Ювентус" - клуби мени бошқа жамоалардан кўра кучлироқ қизиқтириб қўйди.  Айнан уларнинг таклифи менга қизиқроқ туюлди. Улар мени ўз сафларига кўришни жуда исташди. Бу мен учун қадрли. Менда ҳам "Ювентус" сингари ғолиблик руҳи кучли. Кейинги мавсумдан бошлаб янги жамоам билан яна ғалабалар сари олға интиламиз. 

Мен ўз ўйинимни янада кучайтириб боришим керак. "Ювентус"да ўйнаш учун янада шаклланиш керак. Бу борада нима қилишни биламан. Ҳали футболчи сифатида кўпроқ ўсишим лозим.

Кимлардир туринликлар мен учун жуда кўп пул сарфлашаётганини айтишмоқда. Туринда мен ўзимнинг кучли жиҳатларимни намойиш этишга ҳаракат қиламан.

Жамоада Тевес қолса яхши бўларди. Бирга тўп тепардик. Менга кўпроқ рақиб дарвозаси олдида ўйнаш ёқади. Лекин иккинчи ҳужумчи сифатида ўйнай оламан.