Ўзбекистон МТЖ. Тўртинчи кунги машғулотлар ҳақида ёхуд Шукуров келди

Йиғиннинг тўртинчи кунида терма жамоамиз лагерида БААнинг "Шаржа" клубида ўйнаётган Отабек Шукуров пайдо бўлди. Куни кеча ўз клуби сафида майдонга тушган ярим ҳимоячи Тошкентга етиб келди. Мураббийлар бугун Отабеккаа у қадар катта юкламалар беришмади. 

Йиғинга чақирилган Элдор Шомуродов, Темурхўжа Абдухолиқов ва Икром Алибоев тез орада терма жамоа ихтиёрига етиб келишади. Бугунги машғулотларда жами 25 нафар футболчи қатнашди. 

Дастлаб футболчилар Мирко Йеличич қўл остида чигалёзди машқларини бажариб мушакларини қиздириб олишди. Сўнгра йигитларимиз "квадрат" ўйнашди ва иккига бўлинган ҳолда футбол ўйнашди. Машғулот сўнггида дарвоза томон зарбалар беришди. 

Эртага, 6 октябрь куни миллий терма жамоамиз олимпия терма жамоаси билан назорат учрашувини ўтказиб олади. 

Фотогалереяни тўлиқ ҳолда сайтимизнинг махсус бўлими орқали томоша қилиш мумкин. >>> ФОТОГАЛЕРЕЯ <<<

Фото: Толибжон Қосимов