"Нуристон" - Қашқадарё футбол федерацияси кубоги соҳиби

Қарши шаҳридаги "Насаф" ўйингоҳида Қашқадарё вилояти футбол федерацияси иккинчи лига жамоалари кубок баҳси финал учрашуви бўлиб ўтди. Қизғин курашларга бой бўлган учрашувда нишонликлар ғалаба қозонишди.

"Нуристон"нинг 17-рақамдаги футболчиси Жавлон Рамазонов томонидан киритилган ягона гол учрашув тақдирини ҳал қилди.

Финалда муносиб иштирок этган "Нефтчи" жамоаси нимчорак финалда "Насаф" ёшларини, чорак финалда "Чироқчи" жамоасини мағлубиятга учратишиб, ярим финалда "Шўртан" ёшларини таслим этишган эди. Афсуски, кескин вазиятларга бой бўлган финал учрашувида китобликлардан омад юз ўгирди.

"Нуристон" ҳам финалгача қийин учрашувларни ўтказди. Дастлаб, нимчорак финалда "Ёшлик" жамоаси таслим этилди, чорак финалдаги қийин кечган баҳсларда икки ўйин натижасига кўра "Машъал"дан ҳам ўтилди. Ярим финалда Шаҳрисабзликларни ҳам мусобақадан чиқариб юборган "Нуристон" якунда "Нефтчи"дан устунлигини исботлаб Вилоят кубогини қўлга киритди.

Учрашувни "Насаф" ПФК бош менежери Шамил Ярулин, "Насаф" бош мураббийи Рўзиқул Бердиев, "Нуристон" жамоаси президенти Абдусами Нормўминов, шунингдек "Нефтчи" жамоаси президенти бевосита стадиондан кузатишди.

"Нуристон" жамоасига кубокни Қашқадарё вилояти футбол федерацияси биринчи вице президенти Норқул Даминов топширди.

6 октябрь Қашқадарё кубоги

"Нуристон"-"Нефтчи" 1:0

Гол: Жавлон Рамазонов

"Нуристон": 12.Акмал Ҳазратқулов 4.Аббос Қурбонов 19.Дадажон Маматқулов 5.Аброр Амирқулов 7.Фарҳод Жумаев 17.Жавлон Рамазонов 6.Улуғбек Маджитов 8.Алишер Ибрагимов 10.Азамат Сайфуллаев 11.Феруз Фаҳриддинов 9.Баҳтиёр Ҳолмуродов