"Навбаҳор"да тезкор йиғилиш бўлиб ўтди, унда Наманган вилоят ҳокими иштирок этди

Бугун Наманган вилоят ҳокими Хайрулла Бозоров, Наманган шаҳар ҳокими Шавкат Абдуразоқов ҳамда клуб вице-президенти Шамшод Сариковлар "Навбаҳор" футболчилари билан тезкор йиғилиш ўтказишди. Бу ҳақда клуб мухлисларининг ижтимоий тармоқлардаги саҳифаси маълум қилди.

Унда бир қатор масалалар муҳокама қилинди. Жумладан, футболчилар томонидан муаммо йўқлиги, барчаси аъло даражада эканлиги эътироф этилди. Раҳбарлар эса «Пахтакор» билан бўладиган учрашувда фақат ва фақат ғалаба қозониш кераклигини вазифа қилиб белгилашди.

"Чемпионатда ҳали ҳеч нарса ҳал бўлгани йўқ. Қолган учрашувларда максимал натижа қайд этиб, кўзланган мақсадга эришиш мумкин. Сафарда ҳам «Навбаҳор»нинг ғалабали сериялари бошланиш вақти келгандур? Чунки, сўнгги пайтларда меҳмондаги учрашувларда ҳам ҳудди «Навбаҳор» ўз майдонида ўйнаётгандей хис қилмоқда. Демак мухлислар ёлғизлатиб қўймайди. Бунга жавобан «Навбаҳор» сафарда ҳам ғалабали серияларни бошлаши лозим! Мухлислар ўз суюклиларини ҳеч қачон ёлғизлатиб қўймайди хоҳ уйда, хоҳ сафарда бўлсин. Шундай экан «Навбаҳор» ҳам, мухлислар ҳам асло чекинмайди. Мен албатта ишонаман 1 ноябрь куни «Пахтакор» мухлисларидан «Навбаҳор» мухлислари кўп бўлади", - дейди вилоят ҳокими Хайрулла Бозоров.