Муроджон Тошматов: “Қилган меҳнатларимиз зое кетмаганидан хурсандмиз”

Тажрибали ярим ҳимоячи шу куни майдонга тушмаган бўлсада, руҳан жамоадошларига далда бўлиб турди.

- Дастлаб, орадаги катта танаффусдан сўнг ўтказилган “Қўқон 1912”га қарши кечган беллашув ҳусусида...
- Ўйин ҳақида нима дейишим мумкин? Водий жамоаларига қарши тўп тепиш доим қийин бўлиб келган. Қўқондаги ўйин оғир ўтишини олдиндан билган ҳолда ФИФА кунларида муносиб ҳозирлик кўргандик. Биринчи даврада уларни йирик ҳисобда ва ўз майдонимизда мағлубиятган учратганимизни эсдан чиқарган ҳолда баҳсга жиддий ёндашдик. Чунки, уларнинг ўйинида ва таркибида ўзгаришлар етарлича эди. Амалда қилган меҳнатларимиз зое кетмаганидан хурсандмиз.

- Менимча Азиз Тўхтабоев шогирдлари биринчи даврага қараганда етарлича қаршилик кўрсатишди. Таблодаги ҳисобдан ҳам буни билса бўлади...
- Бу учрашувда жамоадошларим борларини бериб тўп тепишди. Кўп вазиятларда ҳимоячилармиз ва посбонимиз Суҳроб Султонов маҳоратини намойиш қилди, ишончли ҳаракат қилди.

- Миржамол Қосимовнинг бурчак зарбасидан сўнг киритган шедевр голига муносабатингиз...
- Стандарт вазиятлар устида машғулотларда бутун жамоа бўлиб алоҳида иш олиб борамиз. Голга келадиган бўлсак, ажойиб тарзда амалга оширилган бурчак тўпи десак нотўғри бўлмайди деб ўйлайман.


Абдулазиз Искандаров суҳбатлашди