Миржалол Қосимов: "Шонли тарихи ва порлоқ келажаги бор "Бунёдкор" ўзбек футболига керак"

"Қаршида “Насаф”га қарши ўйнаш доимо қийин бўлган. Ғалабага осонликча эришдик демаган бўлардим. Омад бугун биз тарафда бўлганини ҳам қайд этиш лозим. агарда пенальти голга айланганида умуман бошқача сценарий гувоҳига айланишимиз ҳам мумкин эди. "Бунёдкор" ҳар доим чиройли ўйин кўрсатиш ва ғалаба қозониш иштиёқида майдонга чиқади. Чемпионлик учун курашни охирги турларга қадар давом эттира олишимизга ишонаман. Ўйлайманки, жамоам совринли ўринлардан бирини қўлга киритишга қодир. Куч ва маҳорат бобида ҳам "Бунёдкор" футболчиларининг ҳеч кимдан кам жойи йўқ. “Бунёдкор”ни кейинги тақдири? "Бунёдкор"дек клуб сақланиб қолишини ният қиламиз. Ўзбек футболидаги шонли тарихга эга "Бунёдкор"нинг умри узоқ бўлишини истардим. Чунки жамоанинг нафақат шонли тарихи, балки порлоқ келажаги ҳам бор. "Бунёдкор" ўзбек футболида ёш иқтидорларни етиштириб беришда ҳам биринчилар қаторида. Шундай жамоа, ажойиб академияга эга клуб ўзбек футболи учун керак", - дейди Миржалол Қосимов.