Миржалол Қосимов: "Чемпионатнинг дастлабки икки турини уйда ўтказиш яхши"
03 feb 2018 16:48
News

Миржалол Қосимов: "Чемпионатнинг дастлабки икки турини уйда ўтказиш яхши"

2018 йилги Суперлига баҳсларига қуръа ташлаш маросими ўтказилгач "Бунёдкор" устози ўз фикрларини билдирди.

"Қуръа ташлаш маросими чиройли ўтди. Рақибларимиз маълум бўлди. Қувонарлиси, дастлабки икки турни ўз майдонимизда ўтказамиз. АГМК ҳам кучсиз жамоа эмас, улар хорижда йиғин ўтказишмоқда. Иккинчи турда эса "Пахтакор"ни қабул қиламиз.

Бу йилги мақсадимиз ўтган мавсумдаги жамоанинг ўзагини сақлаб қолиш. Ёзда Шомуродов кетганди, қишда Шукуров кетди. Ҳужумга Филип Райевацни олдик. Молиявий муаммолар бор, шунга қарамай биз курашамиз. Ўз академиямиз тарбияланувчиларига таянамиз.

Бугун "Сўғдиёна"га қарши баҳсда легионер ярим ҳимоячини синовдан ўтказдик. Ҳозирча у билан шартнома тузмадик, агар ҳаракатлари маъқул келсагина жамоамизда ўйнайди", - дейди Миржалол Қосимов.