Леван Григоллия: "Ўзбекистон билан ўйинлар биз учун фойдали бўлди"
29 jun 2015 14:56
News

Леван Григоллия: "Ўзбекистон билан ўйинлар биз учун фойдали бўлди"

26-27 июнь кунлари футзал бўйича Ўзбекистон ҳамда Грузия терма жамоалари ўртасидаги учрашувдан сўнг грузинлар бош мураббийи Леван Григоллиянинг фикрлари билан қизиқдик.

"Ўйин жуда чиройли ва қизиқарли тарзда ўтди. Бугунги ҳакамлик менга ёқмади, биз кучли ўйин кўрсатдик, Ўзбекистон ҳам кучли жамоа.

Биз ҳозир янги тактик услубга ўтдик, ўйинчилар ҳам турли жамоалардан йиғилди, янги тактика ва ўйинчилар билан ўйнаяпмиз. Бу жараёнда Ўзбекистон билан ўтказилган иккита ўртоқлик учрашуви биз учун жуда фойдали бўлди.
Иккита чиройли ўйин учун Ўзбекистон терма жамоаси мураббийларига ва футзалчиларига миннатдорчилик билдираман.

Октябрь ойида Европада жаҳон чемпионатига саралаш баҳслари бошланади. Биз "пулка"да иштирок этамиз.
Ушбу беллашувларга умумий тайёргарликнинг биринчи босқичини якунладик, шундан сўнг Тошкентга келдик".

Link :

Source : championat.asia

Receive latest football news directly on your phone. Subscribe for our Telegram channel!

Rating: