Latest news

19:28"Алавес" — "Атлетико". Таркиблар маълум  0 19:25Ўзбекистон — Ўмон 0:1 (Матнли трансляция)  26 19:03АПЛ. "Челси" Лондон дербисида ишончли ғалабага эришди  11 18:57"CAFA Nations Cup-2025". Қирғиз Республикаси ва Туркманистон ўзаро дуранг ўйнади  24 18:23"Тоттенхэм" — "Борнмут" ва МЮ — "Бёрнли" ўйинлари учун таркиблар маълум  2 18:19"Ал Наср" — "Ал Батаэҳ". Ғаниев Лига кубоги учун ўйинда асосий таркибда  2 17:52"Ньюкасл" 85+5 млн евро эвазига ҳужумчи харид қилди?!  10 16:53EЧЛ умумий босқичи тақвими: ўйинлар 16 сентябрдан 28 январгача бўлиб ўтади. "Реал" "Атлетико" билан дербидан 2 кун ўтиб, 30 сентябрь куни "Қайрат" меҳмони бўлади  10 15:2240 ёшли Роналду Португалия терма жамоасига чақирилди. Бруно, Феликс, Витинья, Далот ҳам рўйхатда  1 14:48Катта футболга йўл очувчи мусобақа — УЕФА Ёшлар Лигаси: "Қайрат" илк бор ЕЧЛда қатнашади  3 14:41Расман: Нкунку "Челси"дан "Милан"га ўтди  2 14:12"Байер" 30 миллион евролик трансферни амалга оширмоқда  0 13:31"Бавария" Жексонни 65 млн еврога сотиб олиш ҳуқуқи билан 15 млн еврога ижарага олади. Мюнхенликлар "Челси" билан келишиб олди  3 12:45Ўзбекистон терма жамоаси октябрь ойида Малайзияда Уругвай билан ўйнайди   14 12:38"Боруссия" футболчисини 52 млн еврога сотмади  0

ЖЧ йилида ПФЛ режаларида ўзгаришлар бўлиши мумкин: ташкилот 3 та вариантни илгари сурди News

ЖЧ йилида ПФЛ режаларида ўзгаришлар бўлиши мумкин: ташкилот 3 та вариантни илгари сурди

Келаси йил Ўзбекистон миллий терма жамоаси тарихда илк бор Жаҳон чемпионатида иштирок этади.

"Ўз навбатида, Лига тақвим режа ишлаб чиқаётганда мазкур масалани инобатга олиши лозим. 

Шу йилнинг 31 июль санасига қадар биз ФИФА иш режасига футболчиларни расмий мусобақалар учун рўйхатдан ўтказиш даврини юклашимиз лозим эди. Шундан келиб чиқиб, 2026 йилги мавсум учун қишки трансфер ойнаси шу йилнинг 5 декабрь санасида очилиб, у келаси йилнинг 20 февралига қадар давом этиши белгиланди. Навбатдаги ёзги трансфер ойнаси эса 22 июндан бошлаб 24 июлга қадар давом этади. 

Маълумки, келаси йилнинг 1-9 июнь саналари ФИФА кунлари сифатида белгилаб қўйилган. Мундиаль эса 11 июнь куни старт олиб, 19 июлга қадар давом этади. Мусобақанинг гуруҳ босқичи 27 июнь куни якунига етади. Шундан келиб чиқилса, Ўзбекистонда июнь ойида давомида одатдаги тартибда расмий учрашувлар ўтказишда чекловлар бўлиши мумкин. Регламентга кўра, миллий терма жамоага уч ва ундан ортиқ футболчиси жалб этилган клуб расмий учрашувни кўчиришни сўраб Лигага мурожаат қилиши мумкин. Айни вақтда қайси клуб билан бундай ҳолат юз бериши Лигага маълум эмас. Қолаверса, терма жамоа устозлари июнь ойидаги ФИФА кунларида кенгайтирилган таркиб билан машғулот ўтказиши эҳтимоли мавжуд. Жаҳон чемпионати давом этаётган бир вақтда миллий чемпионат ўйинларини ўтказиш эса мантиққа тўғри келмайди.  

Шундан келиб чиқилса, бизда уч вариант мавжуд: 

• "Суперлига ва Про лига регламенти" 10.9-бандига ўзгартириш киритиш ҳамда июнь ойидаги ФИФА кунлари давомида ҳеч бўлмаганда Ўзбекистон Кубоги мусобақасини давом эттириш ҳамда ўртадаги катта танаффус муддатини бироз қисқартириш (Африка Миллатлар Кубогига 3 нафардан кўпроқ футболчисини юборган АПЛ клублари расмий учрашувларда давом этади);

• июн-июль ойларида катта танаффус эълон қилиб, мавсумни август ойидан бошлаб давом эттириш ва Кубок форматига ўзгартириш киритиш; 

• июль ойининг экваторидан бошлаб мавсумни давом эттириш, катта танаффус муддатини бироз қисқартириш ва барча мусобақаларни ўз форматида қолдириш. 

Мазкур масалалар Лига ва клублар иштирокидаги йиғилишда ўзаро ҳал қилинади. Шу хусусда Лига бир қатор мутахассислар, жумладан, Рўзиқул Бердиев, Миржалол Қосимов, Тимур Кападзе, Вадим Абрамов кабил мутахассислар фикри билан қизиқди. Ва албатта қолган клублар ҳам бу борада ўз таклифлари билан иштирок этади. 

Айни вақтда 2026 йилги мавсум учун ишчи тақвим режа ишлаб чиқилган бўлиб, унга кўра мусобақа февраль ойининг сўнгги кунларида старт олиши ва май ойи якунига қадар Суперлиганинг 15 та тур учрашувлари ўтказилиши режалаштирилган. Мусобақанинг старт олишида "Насаф" ва "Андижон" клубларининг ўзи иштирок этаётган халқаро мусобақалар гуруҳ босқичидаги эҳтимолий муваффақият ёки муваффақиятсизлигига эътибор қаратилади. Шунингдек, ёзги трансфер ойнаси очилгунга қадар Суперлиганинг тенг ярми ортда қолишига эътибор қаратилади. 

Мазкур ҳолатда Кубок форматини ўзгартиришга эҳтиёж туғилади. Унга кўра, гуруҳ босқичи бекор қилинади, Суперлига ва Пролига клублари 1/16 финалдан эътиборан қўшилади. Бунда ҳар бир босқичда жамоалар фақатгина битта ўйинда майдонга тушади, мағлуб жамоа мусобақани тарк этади. Боиси, мавсумнинг иккинчи ярмида ҳам халқаро тақвимнинг зичлиги айрим қийинчиликларни келтириб чиқаради. 

Жумладан, ФИФА кунлари шу вақтга қадар 9 кунни ташкил қилган бўлса, 2026 йилнинг сентябрь ва октябрь ойига режа қилиниши керак бўлган ФИФА кунлари қўшиб юборилган ва у умумий 16 кундан иборат бўлади. Шундан келиб чиқиб, Суперлига клублари бу вақт оралиғида қўшимча яна 18-20 кунлик танаффусга чиқишига тўғри келади. Шуларни инобатга олиб, Лига таклиф қилаётган тақвимда Суперлиганинг 2026 йилги мавсуми 30 ноябрга қадар ниҳоясига етиши режалаштирилган. Ўзбекистон Кубогининг ярим финалига қадар етиб келган 4 та клубгина декабрь ойида ҳам расмий учрашувлар ўтказишига тўғри келади.

Сир эмаски, Лига Кубок финалларига сўнгги йилларда катта эътибор қаратиб келади. Бунинг учун финал иштирокчилари аввалдан аниқлаб олиниши ва режа шу асосда олиб борилиши муҳим. Бироқ 2026 йилги ишчи режада бу бироз мураккаб ҳисобланади (Кубок ярим финалига қадар етиб кела олмаган клубларнинг мавсумни эртароқ якунлаши масаласи ҳам бор). Шундан келиб чиқиб, ярим финал ва финалдан жой олган умумий 3 та беллашув марказлашган тарзда — финал босқичи мақомида ўтказилиши мумкин. Яъни, ярим финалга қадар етиб келган барча 4 та клуб финал босқичи учун бир шаҳарда тўпланади. Финалга оид тадбирларнинг барчасида мана шу клублар умумий иштирок этади, бундаги барча масалалар Лига томонидан олиб борилади. 

Мазкур мавзу жамоатчилик муҳокамаси учун қўйилаётган бўлиб, август ойи якунида Лига барча клублар иштирокида йиғилиш ўтказади ва юқоридаги масалаларни улар билан келишади. Клублар ўз таклифини ишлаб чиқиши учун етарли вақт бўлиши, шунингдек, келаси йилга мўлжалланган тақвим Ассоциацияда ҳам таҳлил қилиниб, ташкилот бу борада ўз фикр ва мулоҳазалари билан иштирок этиши Лига учун муҳим ҳисобланади. Бу, ўз навбатида, Ассоциация миллий терма жамоанинг келгуси йил учун режаларини тезроқ ишлаб чиқиши ва эҳтимолий шошилинч ўзгаришларга йўл қўйилмаслигида асқатади", – дейилади хабарда.

Rating: +2   

Comments

+1   
04 aug 17:25:41
Jons
Mundial uchun nima qilsa ham mumkin PFL ga, e'tirozlarga o'rin yo'q. Diyor harakat qilmoqda.
+1   
04 aug 14:59:33
Uzb 2018
Juda katta mablagʻ kerak kuz bahor tizimi uchun.
Bemani fikr

   
05 aug 08:09:21
Samarkanets
Assalomu alaykum hammaga! Kuz baxor tizimi bizni iqlimimizga umuman to'g'ri kelmaydi buni Diyor Imomxo'jayev faktlar bilan isbotlab bergan, keyin stadionni buzib Dom qurayotgan ba'zi bir davlat amaldorlari bunaqa katta harajatli tizimga hayotda yo'l qo'ymaydi
   
05 aug 00:09:21
Азим Исмаилов
Reply to comment by Qiziqarli G'aroib
Kuz Baxor taqvimiga o'tishimiz kerak buni amalga oshirishni ayni payti
Куз Бахор тизимига якин 100 йилда утилмайди
Оддий мисол хозирга кадар бухоро хоразм пахтакорни уйнайдиган майдони йук кишда колганларини хам уйнайдиган стадион булмайди нима чемпионат мактабнинг залида уйнатиладими???
   
04 aug 17:06:54
Фарход
Эксперимент тарикасида синаб куриш мумкин. ( Бахор - Куз ) лекин мундиал йилида эмас, негаки бизни футболистлар урганганган хозирги бахор - куз системасига . Мана хозирги пайтда 14 та жамоа катнашса буларди суперлигада и муаммо булмасди, . Утган мавсум пролигадаги 3-4-5-6 урин олган командаларни тикмаслик керак эди.
   
04 aug 14:28:00
Qiziqarli G'aroib
Kuz Baxor taqvimiga o'tishimiz kerak buni amalga oshirishni ayni payti
championat.asia
< show latest news
Яндекс.Метрика