Гвардиола Дани Алвесга қизиқмоқда, бунинг учун битта легионердан воз кечиш керак
18 jul 2019 13:03
News

Гвардиола Дани Алвесга қизиқмоқда, бунинг учун битта легионердан воз кечиш керак

Бразилия терма жамоаси ҳимоячиси Дани Алвес эркин агент мақомида "шаҳарликлар" билан шартнома имзолаши мумкин.

Жамоа бош мураббийи Хосеп Гвардиола 36 ёшли футболчига қизиқиш билдирган.

АПЛ регламентига кўра клуб қайдномасида 17тадан ошиқ легионер бўлмаслиги керак. "Манчестер Сити" Алвесни олиши учун бир легионердан воз кечишига тўғри келади. Бу катта эҳтимол билан Данилудир.

Эслатиб ўтамиз, Алвес яқиндагина якунига етган Копа Американинг энг яхши футболчиси деб топилган эди.

Футболчи якунланган мавсум барча турнирларда 37та ўйинда майдонга тушиб, 4та гол ва 7та ассистга эришган.