Григорий Колосовский: “Ҳаракатларимиз “Пахтакор” билан ўйиндагидан катта фарқ қилди”

Ўйин ҳақида

- Вазиятлардан фойдалана олмадик.  Биринчи бўлимда ҳам, иккинчи бўлимда ҳам имкониятларимиз бўлди, бироқ якуний зарбаларга аниқлик етишмади. Биргина гол ўйин тақдирини ҳал қилди. Ҳаракатларимиз “Пахтакор” билан ўйиндагидан катта фарқ қилди. Натижа биз учун жуда ёмон.

- Мураббийлар штабидан Нозимжон Эсоновга қизил карточка кўрсатилди. Бу ҳолатга муносабатингиз қандай?

- Бу албатта ўйин вазиятидаги эмоция билан боғлиқ. Қилган меҳнатларингиз натижа келтирмаётган вақтда асабийлик кузатилади. Менинг фикримча шундай, ўйин ҳароратидаги эмоция сабаб шу ҳолат юзага келди.

- Абдумажидовнинг ҳолати қандай? У қанча муддатга сафдан чиқди?

- Ҳа, у жароҳат олди. Кураш вазиятида жароҳат олди. Тиббий кўрикдан сўнг унинг қачон сафга қайтиши маълум бўлади.

- Ўйин давомида Даврон Ҳошимовнинг қанотида кўп хатоликлар кузатилди. Таркибда унинг ўрнини тўлдира оладиган футболчи борми?

- Ҳошимов тажрибали футболчи. У вазиятларда охиригача ишлайди. Футболчи учун омадсиз ўйинлар бўлади.

- Шаҳзодбек Неъматжонов ишончни оқлаяптими?

- Унинг ҳаракатлари ёмонмас. Биринчи бўлимда озроқ хатоликларга йўл қўйди, қарши ҳужумларда аниқ ҳаракат қила олмади. У ёш футболчи ва ўйинлар давомида тажриба тўплаб боради.