Финке: “Футболчиларнинг ўзини тутиши жуда ёмон, натижа эса – шармандали”

Хорватияга қарши ўйинда Алекс Сонг Марио Манжукични тирсаги билан ургани учун майдондан четлатилди, ўйин сўнгида Бенуа Ассу-Экотто ва Бенжамен Муканджолар бир-бирлари билан келишолмай қолишди ва улар ўртасида кичик жанжал келиб чиқди.

“Бу юз бераётган воқеаларнинг сабабини топишимиз керак, чунки футболчилар ўзини жуда ёмон тутишмоқда. Ўйин натижаси Камерун учун шармандали. Агар биз қизил карточка бергунга қадар кўрсатган ўйинимизни, учрашув сўнгигача намоиш этканимизда, хорватияликлар бунчалик ўзларига ишониб ўйнашмасди. Энди биз ётиб ухлашимиз ва ўйиндан хулоса чиқаришимиз керак”, – дейди мутахассис.