"Андижон"га янги дарвозабон ва мураббий келмоқда
09 jul 2025 16:20
News

"Андижон"га янги дарвозабон ва мураббий келмоқда

Амалдаги Ўзбекистон Кубоги соҳиби ва ОЧЛ-2 турнири қатнашчиси "Андижон" танаффусда таркибдаги бўшлиқларни тўлдиришга астойдил бел боғлаган кўринади.

Гап шундаки, жамоа ёзги трансфер ойнасида украиналик дарвозабон Артём Одинцовни жалб қилади. 24 ёшли кипернинг сўнгги жамоаси Венгрия чемпионати вакили "Дьюшьдор" жамоаси бўлган. Бундан ташқари фаолияти давомида "Кишварда" (Венгрия), "МФА Мункач" (Украина) жамоаларида тўп тепган. Трансфермаркет маълумотларига кўра, посбон 275 минг еврога баҳоланган.

Шунингдек, Максим Шацкихнинг мураббийлар штабида Никита Шквирин иш бошлаши аниқ бўлиб улгурган. У жамоада дарвозабонлар мураббийи сифатида фаолият олиб боради. Шквирин "Андижон"га келгунига қадар "Пахтакор"да ишлаганди.