“Фарғона вилояти ҳоким кубоги-2018” кундалиги: Олтинчи кун
03 feb 2018 08:56
News

“Фарғона вилояти ҳоким кубоги-2018” кундалиги: Олтинчи кун

Халқаро мусобақанинг навбатдаги куни ҳам голларга бой бўлди. Умуман олганда, турнир юқори савияда ўтмоқда. Б

Бу эса янги мавсумга тайёргарлик кўраётган жамоалар учун айни муддао бўлмоқда. Кеча “Б” ва “С” гуруҳларида 3-тур баҳслари бўлиб ўтди. Қуйида ушбу учрашувлар ҳақида тўхталиб ўтамиз.

ОРИФ МАМАТКАЗИН ШОГИРДЛАРИДАН ЙИРИК ҒАЛАБА

Андижоннинг “Ўз Тонг Конг Хо” жамоасини тажрибали мутахассис Ориф Маматказин бошқариб бормоқда. Ушбу жамоа мусобақада яхши иштирок этмоқда. Кеча Маматказин шогирдлари “Нефтчи-2”га қарши майдонга тушиб, йирик 6:1 ҳисобида ғалаба қозонишди. Бу эса андижонликларни гуруҳ пешқадамига айлантирди.

“Вилоят ҳоким кубоги-2018”
“Б” гуруҳи
3-тур
“Нефтчи-2” – “Ўз Тонг Конг Хо” – 1:6

“ТОШЛОҚ” МАҒЛУБ БЎЛДИ

Олдинги иккита турда ғалаба қозониб, гуруҳ ғолиблигига асосий даъвогар бўлиб турган “Тошлоқ” жамоаси учинич турда мағлубиятга учради. “Навбаҳор”га қарши ўйинда майдонда икки киши кам бўлиб қолган тошлоқликлар 1:2 ҳисобида рақибга имкониятни бой беришди.

“Вилоят ҳоким кубоги-2018”
“Б” гуруҳи
3-тур
“Навбаҳор” – “Тошлоқ” – 2:1
“Навбаҳор”: М. Маматхонов, Х. Юнусов, А. Ғуломов, М. Абдуллаев, Р. Великанов, Б. Тошмирзаев, А. Рашидхонов, Ю. Абдувоҳидов, И. Сиддиқжонов, Ш. Ҳамидов, А. Турғунбоев.
Захира: И. Обиджонов, Ж. Олимжонов, А. Алижонов, С. Маматхонов, И. Абдуаримов, Умаралиев, М. Шамсиддинов.
“Тошлоқ”: Ғани Қобилжонов, Лочин Исроилов, Жаҳонгир Юсубжонов, Жаҳонгир Абдужалилов, Миркомил Асқаралиев, Хайрулло Қазоқов, Салоҳиддин Ортиқов, Сардор Соипов, Зафар Турсунов, Аброр Ҳамидхўжаев, Достон Турсунзода.
Захира: Улуғбек Абдураҳмонов, Жалол Дадажонов, Абдулла Мирзаев, Ғайрат Султонов, Жасур Холматов, Асил Мўйдинов, Аҳрор Шарипов.

3-турдан кейинги ҳолат:

1	Ўз Тонг Конг Хо	3	2	0	1	9	4	+5	6
2	Тошлоқ	3	2	0	1	4	3	+1	6
3	Навбаҳор	2	1	1	0	6	5	+1	4
4	Ёзёвон лочинлари	2	0	1	1	5	6	-1	1
5	Нефтчи-2	2	0	0	2	1	7	-6	0

“ЗОМИН”ДАН ИЛК ҒАЛАБА

“С” гуруҳида ўтказилган “Зомин” – “Андижон” учрашувида Жиззах вилояти вакили 2:1 ҳисобида зафар қучди. Бундан олдинги иккита учрашувда зоминликлар мағлубиятга учрашган эди. Ниҳоят учинчи турга келиб, “Зомин” уч очко эгасига айланди. “Андижон” эса иккинчи ўйинда ҳам мағлубиятга учради.

“Вилоят ҳоким кубоги-2018”
“С” гуруҳи
3-тур
“Андижон” – “Зомин” – 1:2

СЎНГГИ ДАҚИҚАДАГИ МАҒЛУБИЯТ

Муҳсин Низомиддинов бошчилигидаги “Қўқон-1912” ўринбосарлари халқаро мусобақасидаги учинчи учрашувларини ўтказишди. Бунгача гуруҳда ғолиблик учун даъвогар саналган ўринбосарларимиз асосий рақибларига ютқазиб қўйишди.

Мазкур учрашувда ҳам олдинги ўйинлар каби ҳисоб пенальтидан кейин очилди.

Ўринбосарларимизнинг олдинги иккита ўйинида ҳам ҳисоб очувчи гол пенальтидан киритилган эди. Бу сафар ҳам ҳисоб пенальтидан киритилган гол эвазига очилди.

Иккинчи бўлимда вакилларимиз мувозанатни тиклашди. Лекин сўнгги дақиқада ўтказиб юборилган гол эвазига мағлубиятга учрадик.

“Вилоят ҳоким кубоги-2018”
“С” гуруҳи
3-тур
“Қўқон-1912-2” – “Ифтихор” – 1:2 (0:1)
Ҳакамлар: Олим Тўйчибоев, Равшан Кападзе, Шохрух Аъзамов.
Назоратчи: Владимир Касаев.
Голлар: Дониёр Тўлашев – 66. – Отабек Ҳайдаров – 19 (пен), Жасур Қувваталиев – 89.
“Қўқон-1912”: 30. Ислом Абдуллаев, 5. Дониёр Тўлашев, 6. Дилшод Баратов, 7. Сардор Исақов, 9. Рамз Исақов, 10. Иброҳим Мухторов, 15. Иброҳим Аҳмаджонов, 19. Достон Мелиқўзиев, 20. Мўмин Содиқжжонов, 26. Исмоил Толипов, 29. Иқбол Маликжонов.
Захира: 1. Муҳаммадали Собиров, 25. Шоҳжаҳон Қосимжонов, 28. Бахтиёр Абдубаннонов, 31. Шукур Мўминов, 70. Иброҳим Усмонов, 75. Маъмур Раҳимов, 90. Рустем Асанов.
“Ифтихор” 35. Муҳиддин Аҳмедов, 4. Турсунбой Ҳусанов, 5. Ойбек Аҳматов, 6. Дониёр Турдиқулов, 7. Оятилло Муҳиддинов, 9. Асадбек Маъмуров, 11. Отабек Ҳайдаров, 13. Ҳасанбой Эргашев, 14. Муҳиддин Юсупов, 15. Карим Мамадалиев, 17. Саид Абдужжаборов.
Захира: 16. Хуршид Муҳаммаджонов, 3. Озод Комилов, 8. Абубакир Абдуллаев, 10. Фаррух Ахунов, 19. Жасур Қувваталиев, 18. Шердор Туронов, 20. Ислом Ҳошимов.

3-турдан кейинги ҳолат:

1	Қўқон-1912-2	3	2	1	6	4	+2	6
2	Ифтихор	2	2	0	4	2	+2	6
3	Турон	2	1	1	3	2	+1	3
4	Зомин	3	1	2	4	6	-2	3
5	Андижон	2	0	2	1	4	-3	0

БУГУН “МАШЪАЛ” БИЛАН ЎЙИН

Бугун турнирда яна бир марказий ўйин гувоҳига айланамиз. “Қўқон-1912” асосий жамоаси Муборакнинг “Машъал” клубига қарши майдонга тушади. Ушбу учрашув соат 15:00да “ФарДУ” стадионида бошланади.

Бугунги учрашувлардан яна бири – “Нефтчи” – “Ўш” баҳсига бўлган қизиқиш ҳам жуда юқори.

БУГУНГИ УЧРАШУВЛАР АНОНСИ

“Вилоят ҳоким кубоги-2018”
“А” гуруҳи
4-тур
3 февраль (шанба)
Цементчи – Истиқлол ФарДУ стадиони соат 11:00
Қўқон-1912 – Машъал ФарДУ стадиони соат 15:00
Нефтчи – Ўш Нефтчи СК соат 15:00

3-турдан кейинги ҳолат