Фарғона ва Наманганда ҳам “Келажагимиз умидлари” футбол фестивали бошланди
20 jan 2018 16:03
News

Фарғона ва Наманганда ҳам “Келажагимиз умидлари” футбол фестивали бошланди

Мамлакатимизда болалар ва ўсмирлар ўртасида соғлом турмуш тарзини тарғиб қилиш ва футболни оммалаштириш, истеъдодли болаларни саралаб олиш мақсадида 18 январдан "Келажагимиз умидлари" футбол фестивали бошланди.

Дастлабки мусобақалар Андижон шаҳрида старт олганди. Бугун 20 январь куни ушбу фестиваль Фарғона ва Наманган вилоятларида ҳам бошланди. Наманган шаҳридаги “Баркамол авлод” спорт мажмуаси ҳамда Фарғонадаги Олимпия захиралари коллежида вилоятдаги ўрта таълим мактабларидан келган болалар ўртасида мусобақалар ўтказилди.

Айтиш керакки, “Келажагимиз умидлари” фестивали водийдан бошланиб, бутун республика бўйлаб давом этади.

Фестивал давомида иштирокчиларига совға сифатида тўплар, спорт формалари тақдим қилинди ҳамда Фахрий ёрлиқлар топширилди.