Даврон Файзиев: "Ёш болаларча хатолар туфайли ютқаздик"

"Мавсумдаги учинчи ўйинда бизнинг ўйинимизда на мазмун бўлди, на ҳаракат. Биз ҳимояда ёш болаларча хато қилдик. Биринчи гол жуда оддий гол эди. Жуда ҳам.

Янги мавсумдан олдин ҳужумчи, ярим ҳимоячи олиб шу жамоани сақлаб қолмоқчиман. Лекин таркибимиздаги футболчилар кетиб қолиши мумкин. Сабаби бизда барча шартномалар фақат бир йилга тузилади. "Пахтакор"да 3 йилга тузилади? Биз "Пахтакор"дек бўлишимиз кўп учун йиллар керак.

Агар жамоага яхши раҳбар тайинланса 3 йил ичида кучли жамоа тузиш мумкин.

Ўзбекистон ёшлар терма жамоаси аъзолари Азиз Ғаниев, Шароф Муҳитдинов асли жиззахлик, Диёр Туропов ҳам, Жасур Ҳасанов, Сардор Рашидов... уларни кўп санаш мумкин. Жиззахда яхши ёш футболчи чиқса уни бошқа клуб академияларидан таклиф бўлади ва футболчилар ўша ерга ўтиб кетишади. Бу бизнинг муаммоларимиздан бири", - дейди Даврон Файзиев.