Бразилия футзал терма жамоаси аъзоси Марсель: "Украинага қарши баҳсда Хорватия билан бўлгани каби жисмоний куч муҳим аҳамият касб этади"
02 oct 2024 12:08
News

Бразилия футзал терма жамоаси аъзоси Марсель: "Украинага қарши баҳсда Хорватия билан бўлгани каби жисмоний куч муҳим аҳамият касб этади"

Бразилия футзал терма жамоаси етакчиси Марсель ЖЧ ярим финалидан ўрин олган Украина билан баҳс олдидан матбуот анжуманида иштирок этди.

"Аслида бизнинг асосий эътиборимиз ҳимояга қаратилган. Биз гол ўтказиб юбормаслик учун ҳаракат қиламиз, чунки ҳужумни табиий равишда якунлашни биламиз. Бразилиялик футзалчилар фақат олдинга ҳаракатланиш ва гол уришга интилишга одатланган. Агар биз ҳимоя ва ҳужумни мувозанатлаштира олсак, ғалаба қозониш учун яхши имкониятга эга бўламиз.
Украинага қарши баҳсда Хорватия билан бўлгани каби жисмоний куч муҳим аҳамият касб этади. Украина жисмонан кучли жамоа. Шунга қарамай, натижага эришиш учун шиддатни йўқотмасдан, бўшлиқлар топиб, рақибни жазолашимиз керак.
Биз Жаҳон чемпионатининг ярим финалидамиз, шу боис ўта диққатли бўлишимиз талаб этилади. Ўйлайманки, Марокашга қарши ўйиндагидек диққат, қатъият ва барқарорликни таъминлай олсак, бўлажак беллашувда катта имкониятга эга бўламиз".

Эслатиб ўтамиз, Украина ва Бразилия ўртасидаги ярим финал баҳси бугун "Ҳумо Арена"да 20:00 да старт олади.

Link :

Source : Championat.asia

Receive latest football news directly on your phone. Subscribe for our Telegram channel!

Rating: +2