“Боруссия Д” ҳимоячисининг қанча муддатга сафдан чиққанлиги маълум бўлди

Лукаш Пишчек 2 ҳафта давомида майдонга туша олмайди. Бу ҳақда клуб расмий сайти хабар берди.

Энди Пишчек жароҳат сабаб ФИФА кунлари доирасида Польша термаси сафида ҳам ўйнамайди. У “Боруссия Д” сафида “Фрайбург”га қарши баҳснинг 14-дақиқасида оёқ мушакларидан жароҳат олганди. Агар ҳаммаси ўз ўрнида кетса, футболчи 23 октябрь куни бўлиб ўтадиган ЕЧЛ доирасидаги “Интер”га қарши баҳсда майдонга тушиши мумкин.

34 ёшли футболчи жорий мавсум барча мусобақаларда 8 та ўйин ўтказиб, 2 та голли узатмани амалга оширганди.