"Биз сиз ва бутун дунё учун ибодатдамиз" - Тожикистонда 3-тур мана шундай акция билан бошланди

"Душанбе-83" ва "Файзқанд" ўртасидаги баҳсда ҳисоб очилмаган бўлса, "Регар-ТадАЗ" ўз майдонида "Истаравшан"ни қабул қилиб 4:1 ҳисобида ғалабага эришди. 

Ҳар икки ўйиндан олдин футболчилар бутун дунёни хавотирда ушлаб турган коронавирусга қарши акцияда иштирок этишди. Жамоа аъзолари бир бўлиб "Кучли қолинг, қардош миллатлар - Россия, Ўзбекистон, Хитой, Қозоғистон, Қирғизистон, Афғонистон. Биз сиз ва бутун дунё учун ибодатдамиз" деб ёзилган баннер фонида суратга тушишди.

Бу билан Тожикистон коронавирусга қарши кураш олиб бораётган қардош ўлкаларни қўллаб-қувватлашини билдирди. Тожикистон чемпионатининг 3-туридан ўрин олган яна иккита баҳс бугун ўтказилади. Турнинг охирги ўйини 22 апрель куни бўлиб ўтади. 

Тожикистон чемпионати. 3-тур

18 апрель

"Душанбе-83" - "Файзқанд" 0:0

"Регар-ТадАЗ" - "Истаравшан" 4:1

Голлар: Шерзод Махамадиев (1, 51), Диловаршо Ғаниев (59, 66) - Илхомжон Баротов (37). 

19 апрель

ЦСКА - "Локомотив-Помир"

"Истиқлол" - "Хатлон"

22 апрель

"Кўктош" - "Хўжанд"