"Бавария" Роббен билан янги шартнома имзоламайдиган кўринади

Сўнгги вақтларда энг кўп муҳокама қилинаётган саволлардан бири, айнан голланд юлдузи ҳақида бўлмоқда. Афтидан, бундай гап-сўзлар Мюнхен супер-клуби президенти Ули Хёнессга қадар етиб борган кўринади.

Миш-мишлардан безор бўлган президент Хёнесс Ариен Роббеннинг келгуси фаолияти ҳақида сўз очишга ҳали эрта эканини таъкидлади:

- Биз Роббендан нима кутишимизни у, Роббен жамоадан нима кутишини биз жуда яхши биламиз. Айтмоқчиманки, ўртамизда илиқ муносабатлар ҳукмрон. Келиб чиқаётган муаммоларга эса ҳали биргаликда, албатта, ечим топамиз. Роббеннинг шартномаси тугашига яна бир ярим йил вақт бор. Менимча, янги шартнома тузишга шошилмасак ҳам бўлади, - деди Ули Хёнесс.

Эслатиб ўтамиз, Арьен Роббеннинг “Бавария” билан тузган шартномаси 2015 йилда якунига етади.