AS: “Тоттенхэм” Бэйл учун “Реал”дан 120 млн евро сўради
26 jul 2013 10:14
News

AS: “Тоттенхэм” Бэйл учун “Реал”дан 120 млн евро сўради

“Тоттенхэм” “Реал” билан ўз ярим ҳимоячиси Гарет Бэйлнинг трансфери ҳақида музокараларни бошлашга тайёр, дея хабар беради AS.

Англияликлар уэльслик футболчининг трансфер нархини аллақачон маълум қилишди – яъни 120 миллион евро. Бу “Манчестер Юнайтед” 2009 йилда Криштиану Роналду учун тўлаган суммасидан (96 млн евро) ҳам кўп.

Шунингдек мадрид клуби 100 миллион евро тўлаши ҳамда бир футболчи қўшиб бериш варианти ҳам кўриб чиқилиши мумкин. Ҳусусан “Тоттенхэм” маддридликлар томонидан “Бенфика”дан 2010 йилда 30 миллион еврога сотиб олинган Анхель Ди Марияга қизиқишмоқда.

Аввалроқ Бэйл “Реал” билан 6 йиллик шартнома имзолаши ва янги клубида йиллик 10 миллион маош олиши ҳамда унинг учун 11 рақам тайёрлаб қўйилганлиги хабар қилинганди.

Ҳозир 24 ёшли футболчи йилига 4,5 миллион евро олади. “Тоттенхэм” президенти Дэниэл Леви футболчининг маошини 9 миллионга оширишга тайёр.

Эслатиб ўтамиз, Англия премьер-лигасининг ўтга мавсумида Бэйл 33 ўйинда 21 бор тўп киритган.

Link :

Source : sports.ru

Receive latest football news directly on your phone. Subscribe for our Telegram channel!

Rating: