АПЛда "Олтин қўлқоп" кимга насиб этади? Бу ерда ҳам "Ливерпуль" vs "Манчестер Сити"
29 apr 2019 18:06
News

АПЛда "Олтин қўлқоп" кимга насиб этади? Бу ерда ҳам "Ливерпуль" vs "Манчестер Сити"

Англия Премьер-лигасида мавсум якунланиб бормоқда.

Чемпионат якунланишига 2 тур қолганда "Манчестер Сити"да 92, "Ливерпуль"да эса 91 очко бор. Чемпионлик учун кураш охирги тургача кескин тус олади.

Ўз навбатида Премьер-лигада "Олтин қўлқоп" учун ҳам кураш жиддийлашди. Қизиғи, бу борада ҳам "Ман Сити" ва "Ливерпуль" қарама-қаршилиги кечмоқда. "Қизиллар" кипери Алиссон 20та қуруқ ўйин ўтказган бўлса, "шаҳарликлар" посбони Эдерсон 19 бор нолга ўйнаган. АПЛда "Олтин қўлқоп" энг кўп қуруқ ўйин ўтказган дарвозабонга берилади. Демак, сўнгги икки турда чемпионлик учун курашаётган жамоаларнинг дарвозабонлари ўртасида ҳам кураш кескин тус олади.