Анзур Исмоилов: "Ўз хатоимиз туфайли гол ўтказиб юбордик"
22 jan 2015 17:19
News

Анзур Исмоилов: "Ўз хатоимиз туфайли гол ўтказиб юбордик"

Жанубий Корея - Ўзбекистон (2:0) учрашувидан сўнг Анзур Исмоилов микст зонада ўз фикрларини билдирди.

- Қийин ўйин намойиш этдинглар, йигитлар матонат кўрсатишди. Умуман баҳс ҳақида фикрингиз?
- Жуда қийин учрашув бўлди, бизда вазиятлар бўлди. Иккита жуда яхши имконият бўлди, агар гол урганимизда умуман бошқача ўйин бўлармиди...Ўзимизнинг хатоимиз туфайли гол қўйиб юбордик. Лекин 90 дақиқада яхши ўйнадик.

- Қўшимча вақтда Ўзбекистонга нима етишмади?
- Менимча бизга кучга тўла ўйинчи етишмади. Ўйинни ўз қўлига оладиган футболчи бўлмади.

- Ўз ўйинингиздан кўнгилингиз тўлдими?
- Жамоа мағлуб бўлди, шу боис кўнглим тўлмади. Афсуски ютишимиз керак бўлган баҳсда мағлуб бўлдик.

- Одил Аҳмедовнинг аҳволи қандай? Йигитлар мағлубиятни қандай қабул қилиб олишди?
- Барчамиз ғалаба учун тушгандик. 90 дақиқа жанг қилдик, лекин биринчи голни совға қилганимиздан сўнг руҳан синиб қолдик.

- Шундай бўлса ҳам жамоага яхши ўйин учун раҳмат айтамиз. Мухлисларга сўнгги тилакларингиз?
- Барчага раҳмат. Худо хоҳласа кейинги мусобақаларда бундан ҳам яхшироқ иштирок этишга уринамиз.

Link :

Source : championat.asia

Receive latest football news directly on your phone. Subscribe for our Telegram channel!

Rating: