"Атлетико" Ян Облакни сотиб юбориши мумкин. Унинг ўрнига ким келиши маълум

Антуан Гризманн жамоага қайтгач клубда маош билан боғлиқ лимит юзага келган. Шу боис мадридликлар бир нечта футболчисини трансферга қўйиши мумкин. Ҳақиқатга яқин номзодлардан бири Ян Облак. У "Атлетико"да энг кўп маош оладиган футболчилардан бири ҳисобланади. Словениялик кипернинг шартномаси 2023 йилгача мўлжалланган. Агарда Облак шартномани узайтиришга рози бўлмаса, акс ҳолда клуб уни сотиш учун таклифларни кўриб чиқади. 

Дарвозабоннинг ўрнига асосий захира варианти сифатида "Астон Вилла" аъзоси Эмилиано Мартинес кўрилмоқда. Шахсан Диего Симеоненинг ўзи унга эътибор қаратган. Клуб молиявий ҳолатидан келиб чиқиб ушбу трансферга қўл уради.