"Лейпциг" 20 млн. еврога 18 ёшли вингер сотиб олди

"РБ Лейпциг" "Леганес"нинг 18 ёшли вингери Ян Диоманде билан шартнома имзолади.

Ивуарлик ўйинчи билан шартнома 2030 йил 30 июнгача мўлжалланган.

As хабарига кўра, трансфер суммаси 20 миллион еврони ташкил этди. "Леганес" учун Диоманде сотиш 2020 йил қишда Юссеф Эн-Несирининг "Севилья"га ўтиши билан бирга рекорд бўлди.

Диоманде "Леганес"га жорий йилнинг январь ойида ўтган эди. У Ла Лигада 10 та ўйинда 2 та гол уриб, 1 та голли узатма берди.