Александр Мочинов: "Жамоа зарба берадиган вазиятга чиқишда оқсамоқда"
02 mar 2018 22:45
News

Александр Мочинов: "Жамоа зарба берадиган вазиятга чиқишда оқсамоқда"

Суперлиганинг 1-тур доирасидаги "Пахтакор" - "Сўғдиёна" (2:0) учрашувдан кейин меҳмонлар устози ўйин ҳақидаги ўз фикрларини билдирди.

- "Пахтакор" жамоасини ғалаба билан табриклайман. Ўзбек футболи гранд жамоасига қарши ўйин қийин кечди. Курашларга бой ўйин гувоҳига айландик. Ўйлаган режаларимиз амалга ошмади. Учрашувда кимнидир ажратиб кўрсатмоқчи эмасман. Тўғри, ҳакамлар кўп хуштак чалишди ва ўйин баъзи вақтларда тўхтаб қолди. Футбол жамоавий ўйин. Бугун жамоа ютқазди. Жисмоний ҳолат ўйиндан-ўйинга яхшиланиб боради. Жамоа ҳужум қилмоқда, аммо зарба берадиган вазиятга чиқишда муаммолар пайдо бўлмоқда. Бу устида ишлаймиз.

"Пахтакор" жуда кучли ва ўз олдига юқори мақсадларни қўядиган гранд жамоа. Улар бугун юқори иштиёқ билан ўйнашди. Айнан шу жиҳат бугунги муваффақиятни бош калити бўлди, чамамда.