Александр Лобанов: “Танқид қилувчиларни икки тоифага ажратиш мумкин”

Иккинчи даврага тайёргарлик кўраётган “шерлар”нинг машғулоти “ЖАР” стадионида бўлиб ўтди. Машғулотдан сўнг дарвозабон Александр Лобановни суҳбатга тортдик.

-  Жамоага янги мураббий келди ва илк машғулотни ўтказдинги. Янги мураббий ҳақида қандай фикрдасиз, улар билан ишлаш сизга қийинчилик туғдирмадими?

-  Албатта, бош мураббийимиз тажрибали, кучли мутахассис эканлиги  кўриниб турипти. Биринчи машғулотдан ўз ишига маъсулиятли экани ва барча нарсага жиддий эътибор бериши билиниб турди. Биринчи машғулотимиз у даражада қийин ўтмади. Енгил машқларни бажардик.

-  Биринчи даврадаги ўйинлар ҳақида қандай фикр билдирасиз?  

-  Биринчи даврада кўп очко йўқотдик. Иккинчи даврада очко йўқотмасликка ҳаракат қиламиз.

-  Жамоага “Насаф”дан Элдор Суюнов таклиф этилди. Асосий таркибдаги ўрнингизни йўқотиб қўйишдан қўрқмайсизми?

-  Йўқ, чунки рақобат бор жойда ўсиш бўлади. Рақобат бу яхши нарса. Ким асосий такрибда майдонга тушишини бош мураббий хал қилади. Дарвозабонлар мураббийи турк ва инглиз тилларини билар экан.

-  Хориждан дарвозабонлар мураббийи жамоага жалб қилинди. У билан тил топишиш қийинчилик туғдирмадими?

-  Инглиз тилида бироз суҳбатлашишни биламан. Шунинг учун мураббий билан тил топишиш қийинчилик туғдирмаяпти.

-  Бир неча кун олдин сиз ҳақингизда “Лобанов – танқидларга лойиқ дарвозабон эмас” деган мақола чоп этилди. Орадан кўп ўтмай ушбу мақолага раддия чиқди. Бунга қандай фикр билдирасиз?

-  Мен ушбу мақолага ёзилган раддияни ўқиганим йўқ. Чунки бу менга қизиқ туюлмади. Мен ўз фикримни билдирдим. Кимдур мени қўллаб-қувватлади, яна кимдур мени қўллаб-қувватлаганни нотўғри фикрда эканлигини билдирди. Шунинг учун ҳар кимни ўз фикри бор.

-  Сиз танқидга қандай қарайсиз?

-  Танқид яхши нарса, агарда асосли танқид бўлса. Танқид қилувчиларни икки тоифага ажратиш мумкин. Биринчи тоифаси асосли танқид қилади иккинчи тоифаси эса шунчаки ёмон кўрганидан танқид қилади.

Жаҳонгир Сотволдиев суҳбатлашди