"Ал Жазира" юртимизга бир марта келиб ғалаба қозониб кетган
15 feb 2015 16:03
News

"Ал Жазира" юртимизга бир марта келиб ғалаба қозониб кетган

Сешанба куни Тошкентнинг "Бунёдкор" клуби ОЧЛ плей-офф босқичи доирасида БААнинг "Ал Жазира" клубига қарши майдонга тушади.

"Ал Жазира" 2009-2014 йилларда кетма-кет олти йил Осиё чемпионлар лигаси гуруҳ босқичида иштирок этган. Фақат икки бор 2012 ва 2014 йилларда жамоа гуруҳдан чиқа олган холос. Ҳар иккала ҳолатда ҳам "Жазира" 1/8 финалдан уёғига ўта олмаган.

2011 йил БАА чемпиони бўлган клуб ОЧЛда Ўзбекистон клублари билан икки марта тўқнаш келган.

2012 йил "Ал Жазира" Қаршининг "Насаф" клуби билан бир гуруҳдан ўрин олганди. Ўшанда иккала учрашувда ҳам араблар ғалабага эришишган. Қаршида ўтган баҳсда "Насаф" 2:4 ҳисобида ютқазганди.

БААда ўтган ўйинда ҳам "Жазира" тўртта гол урган, "аждарлар" эса бир бор жавоб беришган - 4:1.

"Ал Жазира"нинг юртимизга иккинчи ташрифи қандай кечишини 17 февраль куни билиб оламиз.

Link :

Source : championat.asia

Receive latest football news directly on your phone. Subscribe for our Telegram channel!

Rating: