Абдурашид Исмоилов: "Давралар оралиғида жамоамизга қўшилган футболчиларнинг кўрсатган ўйинларидан қониқдим"

Бугунги баҳс биз кутганимиздек шиддатли кечди. Иккинчи давра ўйинларига пухта тайёргарлик кўрган эдик, айниқса Қизилтоғдаги икки ҳафталик йиғин биз учун жуда фойдали бўлди. Бугунги ўйинда бу нарса яққол сезилди. Биринчи бўлимда кўплаб вазиятлар яратдик, лекин ундан фойдалана олмадик. Иккинчи бўлимда захирадан туширилган футболчиларимиз ўйинни янада кучайтирди бу ҳисобда ҳам акс этди.

Рақиб жамоа ҳам биз кутгандай яхши ўйин намойиш этди. Жамоа ёш бўлишига қарамай анча мазмунли ўйин намойиш этади.

Давра оралиғида жамоамизга қўшилган футболчиларнинг кўрсатган ўйинларидан қониқдим. Ҳаммаси берган кўрсатмаларимни тўлиқ бажаришди. Кейинги бўлиб ўтадиган баҳсларга мана шундай кўтаринки кайфиятда янаям яхши тайёргарлик кўрамиз.

Фурсатдан фойдаланиб бизга шароитларни яратиб келаётган жамоамиз раҳбарларини, мазмунли ўйинларини намойиш этган футболчиларимизни оз сонли бўлсада бизни қўллаб-қувватлаб келаётган ҳақиқий мухлисларимизни бугунги ғалаба билан табриклайман ва уларга катта раҳмат айтаман - деб сўзини якунлади Исмоилов.

"УзДонгЖу" матбуот хизмати