Ислом Исмоилов Канада билан ўйиндан сўнг: "Пенальтилар серияси доим режамизда бўлади"

Ўсмирларимиз кеча канадалик тенгқурларига қарши майдонга чиқдик ва ўйинда ҳисоб 2:2 қайд этилди. Пенальтилар сериясида эса вакилларимизнинг қўли баланд келди 6:5. Ушбу беллашувдан сўнг Ўзбекистон U-17 терма жамоаси бош мураббийи Ислом Исмоилов фикрлари билан ўртоқлашди. 

"Бу ўйин тўлиқ бизнинг назоратимиз остида ўтди. Фақатгина ўйин аввалида ҳимояда 2 та қўпол хатога йўл қўйиб, гол ўтказиб юбордик. Шунга қарамай шогирдларим ирода кўрсатди ва ҳисобни тенглаштиришди. Пенальтилар сериясида эса омад бизга кулиб боқди. Доим қисқа турнирларда иштирок этганимиз учун пенальтилар серияси доим режамизда бўлади. Машғулотларда футболчилар 11 метрлик нуқтадан зарбаларни олдиндан тайёрлаб боришади. Бу сафар ҳам ўз вазифаларини совуққонлик билан бажаришди. 

Футболчиларнинг жисмоний ҳолати яхши ҳолатда. Энг асосий вазифамиз Жаҳон чемпионатига оптимал ҳолатда етиб боришимиз керак. Бунинг учун мураббийлар штаби томонидан маҳсус дастур тузиб чиқилган ва шунга амал қилган ҳолда тайёргарлик кўрмоқдамиз",- дейди Ислом Исмоилов. 

Терма жамоамиз навбатдаги ўйинини 9 сентябрь куни Марокашга қарши ўтказади.