"Атлетик" футболчиси антидопинг қоидасини бузгани учун 10 ойга дисквалификация қилинди
09 sep 13:40
News

"Атлетик" футболчиси антидопинг қоидасини бузгани учун 10 ойга дисквалификация қилинди

Испаниянинг "Атлетик" футбол клуби ҳимоячиси Йерай Альварес антидопинг қоидаларини бузгани учун 10 ойга дисквалификация бўлди.

Бу ҳақда Европа футбол уюшмалари иттифоқи (УEФА) матбуот хизмати хабар берди.

Қайд этилишича, ўтган мавсум Европа Лигасининг биринчи ярим финал учрашувидан сўнг Альварес допинг-тест топширган ва бу мусбат натижа кўрсатган. Допинг намунасида тақиқланган канренон моддаси аниқланган.

Четлаштириш муддати вақтинчалик тўхтатиб туриш бошланган кун – 2 июндан бошлаб ҳисобланади. Дисквалификация 2026 йил 2 апрелда тугайди.

Альварес 30 ёшда, у 2016 йилдан буён "Атлетик"да ўйнамоқда. Жамоа таркибида 2024 йилда Испания Кубоги ғолиби, 2021 йилда эса мамлакат Суперкубоги соҳибига айланган.

Link :

Source : BBC

Receive latest football news directly on your phone. Subscribe for our Telegram channel!

Rating: +3