Зоҳид Нурматов: “Бугун “Нефтчи”га омад кулиб боқди”

- Ўйинни кўрдинглар водий дербиси бўлгани сабабли ҳар икки жамоа ўртасида шиддатли ўйин бўлди. Ўйлайманки охирги дақиқаларда “Нефтчи”га омад кулиб боқди. Шу туфайли биз мағлубиятга учрадик – дея гап бошлади З.Нурматов.

- Футболда ҳеч қачон таваккал бўлмайди. Иккита ҳужумчи билан ўйнаш бу – олдиндан ўйланган режа эди. Чунки биз мавсум давомида жамоаларга қараб 2-3та ҳужумчи билан иштирок этамиз. Шаҳбоз Эркинов Малайзия сафаридан қайтиб келгани учун уни 1-2-турларда ўйната олмагандик. Мана бугун Эркиновнинг жисмоний тайёргарлиги қониқарли бўлгани учун майдонга туширдик.

- Менимча Улуғбек Бақоев бугун майдонда неча дақиқа ўйнаган бўлса, бор кучини бериб ўйнади. Унинг ёши бироз катта бўлгани сабабли иккинчи бўлимнинг ўртасида унинг ўрнига бошқа футболчи тушди. Чунки Улуғбек бунга қадар бор кучини бериб бўлганди – “Навбаҳор” ёрдамчи мураббийи Зоҳид Нурматов.

Исломбек Рустамбеков.