Зиданнинг яна бир унвони

Ҳозирда Мадриднинг “Реал” жамоасида мураббий бор. Моуринио кетгач, жамоа бош мураббийлигини Карло Анчелотти эгаллади, аммо унинг ёнида, ҳар жабҳада тўлиқ қўллаб қувватлай оладиган Зидан бор. МАRCA хабарига кўра, ўтган жума, Зидан Парижда бўлиб, у ерда мураббийлик дипломини олиш учун имтихонлардан муваффақиятли ўтган.

Жозе Моуринио фаолиятининг иккинчи мавсумида Зидан бош мураббий ва асосий таркибни мувофиқлаштирувчи лавозимида ишлаган. Аммо Мауринио билан келишмай қолиши натижасида бу лавозимда узоқ қолмаганди.

Аммо энди у ўзининг собиқ жамоадоши ва дўсти – Карло Анчелотти билан бирга янгитдан иш бошлаши мумкин. Зидан кўпдан буён интилиб келаётган мақсадига эришди. Бу диплом билан у хоҳлаган пайтда мураббий вазифасида ишлаш имкониятини беради.