ЖЧ-2014. Футбол ҳақиқий эркаклар ўйини!
16 июл 2014 14:15
Янгиликлар
![](https://championat.asia/upload/storage/136765_original.jpg)
![](/upload/storage/136765_220.jpg)
ЖЧ-2014. Футбол ҳақиқий эркаклар ўйини!
Греция терма жамоаси футболчилари ўз юртлари футболини ривожлантириш учун плей-оффга чиққанликлари учун бериладиган мукофот пулларидан воз кечдилар
Бошидан яхшигина зарба еган уругвайлик Альваро Парейра шифокорларнинг қаршилигига қарамасдан ўйинни оҳиригача давом эттирди
Боши ёрилган Дирк Куйт Бразилияга қарши ўйинда ҳам майдонни тарк этиш ҳақида ўйламади. Натижа ёмон эмас - у, бронза медали эгасига айланди
Колумбия терма жамоаси бош мураббийи Хосе Пекерман дарвозабон Фарид Мондрагонни майдонга тушириб, унга ЖЧ тарихидаги ёши энг катта футболчи бўлиш имконини яратиб берди
Жорджо Кьеллини Суареснинг дисквалификацияси ҳақида эшитганидан сўнг, ФИФАдан унинг жазо муддатини камайтиришни сўради
Пабло Сабалета ярим финалда лабининг ёрилганига қарамасдан ўз жамоасини ташлаб қўймади
Хавьер Маскерано ўша ўйинда Роббен билан тўқнашувдан кейин ҳушидан кетиб қолди ва бир оздан сўнг яна ўзига келиб ўйинни давом эттирди
Финал куни Бастиан Швайнштайгернинг аҳволига ҳавас қилиб бўлмас эди. У ғалабага бўлган иродаси сабабли курашлардан қочмади ва жамоасини ғалаба сари етаклай олди
Азиз Тўхтамуродов тайёрлади
![AMP Logo](https://championat.asia/image/logo-amp.png)
Фикрлар