UZ

Сўнгги янгиликлар

18:50АПЛ. "Брайтон" - "Манчестер Сити" 0:1 (матнли трансляция)  6 18:43"Ал Иттиҳод" бразилиялик футболчи билан музокараларни бошлади  0 18:15"Манчестер Юнайтед" собиқ ҳимоячиси "Астон Вилла"га ўтмоқда  0 17:44Энцо Мареска: "Жароҳатларнинг кўплиги бежизга эмас"  0 17:16"Қайрат": "Реал" билан ўйин учун чипталар сотувга чиқарилмаган ва нархлар тасдиқланмаган"  0 16:56"Милан" "Ливерпуль" ҳимоячисини сотиб олмоқчи  0 16:45АПЛ. "Брайтон" - "Манчестер Сити" баҳси асосий таркиблари маълум: Абдуқодир Ҳусанов асосий таркибга қайтди!   12 16:26Жейми Вардининг навбатдаги жамоаси маълум!  4 15:52Пол Паркер: "Де Хеа қайтмаса керак"  3 15:30Эрик тен Хаг истеъфога чиқиш арафасида  9 15:15"Манчестер Юнайтед" Ламменс трансферини амалга ошира олмаса, Мартинес номзодига қайтади  1 14:50Фоден бугун ўйнамайди  3 14:30ЕЧЛ. "Қайрат" - "Реал" ўйини учун чипталар нархи қанча?  16 14:14Фермин Лопес "Челси"нинг қизиқишларига қарамай, "Барселона"да қолади  1 13:58Ўзбекистон янги стадионда "CAFA Nations Cup-2025"ни дуранг билан бошлаган баҳсдан ГАЛЕРЕЯ  4

ЖЧ-2014. Бразилия – Колумбия. ПРЕВЬЮ Янгиликлар

ЖЧ-2014. Бразилия – Колумбия. ПРЕВЬЮ

Бразилияда бўлиб ўтаётган жаҳон чемпионатида бугундан чорак финал баҳслари старт олади.
Мусобақа ғолиблиги учун асосий фаворитлардан бири Бразилия бу босқичда Колумбияни синовдан ўтказади. Кўпчилик чорак финалда Бразилияга осон рақиб тушди деяётган бўлиши мумкин, бироқ Колумбия ўз ўйинлари орқали чорак финалга лойиқлигини кўрсата олди ва ҳақли равишда шу босқичгача етиб келди. Энди эса буёғи ярим финалга бир қадам қолди.

Бразилия чиройли ўйин намойиш эта олмаяпти, лекин улар мезбон бўлгани учун ҳам эътибор юқори бўлиб қолаверади. “Пентакампеонлар” аввалги босқичда Чили устидан пенальтилар сериясида зўрға ғалаба қозонишди. Умуман олганда, Бразилияни ҳар бир ўйинидан кейин танқид қилишмоқда, лекин улар ҳозирча мусобақада ва ҳали ҳеч нарса йўқотилмади.



Хосе Пекерман бошқараётган Колумбия эса гуруҳдаги учала баҳсни ўз фойдасига ҳал этди. Нимчорак финалда эса Уругвай устидан ишончли тарзда ғалабага эришди, Жеймс Родригеснинг иккита голи эвазига. Ўзаро ўйинлардаги статистика шуни кўрсатяптики, Бразилия ҳар доим Колумбияни мағлубиятга учратиб келган. Колумбия Бразилияни охирги марта 1991 йил мағлуб этган экан.

Ўйиндан олдин колумбияликлар таркибида муаммо йўқ. Уларнинг ҳамма футболчилари бўлажак баҳсга тайёр. Лекин Бразилияда битта катта йўқотиш бор: карточкалар сабаб Луис Густаво навбатдаги баҳсни ўтказиб юборади. Шундай экан, унинг ўрнида Фернандиньо ёки Паулиньо тўп тепиши мумкин.



ЖЧ-2014. ¼ финал
БРАЗИЛИЯ — КОЛУМБИЯ
Форталеза. “Кастелан” стадиони
Бош ҳакам: Карлос Веласко Карбальо (Испания)

Тахминий таркиблар

Бразилия: Жулио Сезар — Дани Алвеш, Тиаго Силва, Давид Луис, Марсело — Паулиньо, Фернандиньо, Оскар — Халк, Фред, Неймар

Колумбия: Оспина — Суньига, Сапата, Йепес, Армеро — Санчес, Агилар — Куадрадо, Ж. Родригес, Ж. Мартинес — Гутьеррес

Дисквалификация: Луис Густаво (Бразилия)



Луис Фелипе Сколари (Бразилия термаси бош мураббийи):
“Колумбия мазкур жаҳон чемпионатини безаб турибди. Рақиб сафида кучли футболчилар етарли, улар ўйинни яхши ташкил қила олишади. Чили ва Колумбияни таққослайдиган бўлсам, чиликлар жангчи, колумбияликлар эса техника томондан зўр. Ўйлашимча, Колумбия Чилидан анча кучли”.

Хосе Пекерман (Колумбия термаси бош мураббийи):
“Бразилия ярим финалга чиқишга ҳаракат қилади, бу эса улар учун ортиқча босимни келтириб чиқаради. Маҳоратли футболчилар уларда ҳам, бизда ҳам бор, демак майдонда чинакам “жанг” кетади”.

Қизиқарли фактлар
-   Барча гуруҳ ғолиблари чорак финалга қадар етиб келишди
-   Колумбия ўз тарихида илк марта ЖЧ чорак финалига чиқди
-   Бразилия кетма-кет олтинчи марта чорак финалда ўйнайди
-   Жеймс Родригес тўртта учрашувда ҳам гол урди. 1998 йилги ЖЧда Кристиан Вьери шунақа натижа кўрсатганди.

Х.Холиқов тайёрлади.


Рейтинг:    

Фикрлар

championat.asia
< сўнгги янгиликларни кўриш
Яндекс.Метрика