Жавоҳир Сидиқов: "Иккинчи бўлимда майдонга тушишни устунлиги бор"

Осиё чемпионатида Акобир Тўраевни кашф қилган мураббий, мусобақа аввалида ўтказилган матбуот анжуманида бу сафар ҳам кашфиёти бўлишини айтиб ўтган эди. Афтидан мураббий Жавоҳир Сидиқовни назарда тутган.

"Мураббийнинг ишончи мен учун катта аҳамият касб этади. Иккинчи бўлимда майдонга тушаётганимда жамоадошларим ҳам мени қўллаб-қувватлаяптилар. Энг муҳими жамоанинг ғалабаси, унга 90 дақиқа ҳисса қўшасизми ёки 45 дақиққа аҳамияти йўқ", - дейди "Пахтакор" академияси тарбияланувчиси.

- Иккинчи бўлимда майдонга тушишни ҳам ўзига яраша устунлиги бор. Дастлабки бўлимни синчиковлик билан кузатиш имкони бўлади...

- Ҳа, тўғри айтасиз. Буни фойдаси катта бўлаяпти. Майдонга тушаётганимда ким қаерда, қандай ўйнашини билиб оляпман.

- Кўриб турибмиз, ўйин чиқса рақибнинг кимлиги аҳамият касб этмайди...

- Бугунги ғалабадан кейин ўзимизга бўлган ишонч янада ортди. Энди ортга йўл йўқ ва биз аввало мухлисларимиз ишончини оқлашимиз керак.

Нодирхўжа Юлдашев