“Ювентус” январда Погба учун 80 миллион тўламоқчи

Tuttosport нашрининг хабарига кўра, туринликлар футболчи учун 80 миллион евро таклиф қилишга тайёр. Нашр хабарига кўра, агар бу трансфер амалга ошмаса, италияликлар “Реал”дан Искони сотиб олиш ниятида.

Илгарироқ Погба ва МЮ устози Моуриньо ўртасида зиддият келиб чиққанлиги ҳақида хабарлар тарқатилганди.

“Ювентус” 2016 йил августда Погбани МЮга 105 миллион еврога сотиб юборганди. 

Жорий мавсумда Погба АПЛда 14 та учрашувда майдонга тушиб, 3 та гол урди ва 3 та голга ҳаммуаллифлик қилди. ЕЧЛда эса у олтита беллашувда майдонга тушиб, 2 та гол урди ва 1 та голга ассистентлик қилди.