"Ювентус" Каванига қизиқишни тиклади. Жеко ва Суарес эса...
05 сен 2020 10:33
Янгиликлар

"Ювентус" Каванига қизиқишни тиклади. Жеко ва Суарес эса...

ПСЖ билан шартномаси якунига етиб эркин агентга айланган ҳужумчи Эдинсон Кавани яна "Ювентус" қизиқишлари доирасида.

Айни дамда "Рома" форварди Эдин Жеконинг трансфери бўйича музокаралар тўхтатилган, бундан ташқари римликлар боснияликка ўринбосар топа олишмаяпти.

"Барселона" ҳужумчиси Луис Суареснинг трансфери бўйича музокаралар ҳам унинг амалдаги шартномаси борлиги ва у бекор қилинмагани сабаб қийинлашмоқда. Шунинг учун Кавани "кекса синьора" эътиборига қайта тушди.

Кавани 2013-2020 йиллар давомида "Пари Сен-Жермен" сафида тўп тепди. Уругвайлик футболчи якунланган мавсум Франция чемпионати доирасидаги 14та ўйинда майдонга тушиб, 4та гол ва 1та ассист қайд этди.

Ҳавола :

Манба : gianlucadimarzio.com

Янгиликларни Телеграмда ўқинг!

Рейтинг: