Йўғе? Гвардиола трансфер ойнасида деярли 1 миллиард евро сарфлади

Гвардиола қўл урган энг қиммат трансфер эса "Интер"дан сотиб олинган Златан Ибрагимович бўлади. Ўшанда "Барселона" швециялик ҳужумчи учун 69,5 миллион евро сарф этганди. Якунда эса ушбу трансфер жамоага наф келтирмаган ва Златан тушунмовчиликлар туфайли "Барселона"ни тарк этганди.
Яқиндагина "Манчестер Сити" харид қилган ҳимоячи Мендининг трансфер нархи эса 57 миллион еврони ташкил қилади. Бу трансфер Менди жаҳон футболи тарихидаги энг қиммат ҳимоячига айлантирди. Гвардиола харид қилган қиммат трансферлар рўйхатида эса иккинчи ўринда бормоқда.
Гвардиоланинг энг қиммат трансферлари рўйхатидаги учинчи ўрин ҳам ҳимоячига тегишли.
Ўтган йили "Сити" сотиб олган Джон Стоунз 55,6 евро эвазига келганди.
Қизиғи, ушбу трансфер ҳам жамоа учун муваффақиятли бўлмади.

Хосеп Гвардиола трансфер ойнасида "Барселона"да 341,5 миллион евро, "Бавария"да 203,9 миллион евро ҳамда "Манчестер Сити"да ҳозиргача 453 миллион евро ишлатди.

Шуни таъкидлаб ўтиш лозимки, Гвардиола "Бавария" тарихида трансферларга энг кўп маблағ сарфлаган мураббий ҳисобланади. Унинг аксарият трансферлари эса мюнхенликлар учун кутилган натижани бермади.

"Манчестер Сити"да ҳам бир қатор "қовун" трансферлар амалга оширишга улгурди испаниялик мутахассис.
Кўрамиз, бу йили унинг бу галги трансферлари қанчалик наф келтираркин?

Гвардиола 10 йил бўлмаган мураббийлик фаолиятида сарфлаган пулларга оддийроқ жамоани сотиб олиб, уни бемалол топ даражадага чиқариш ҳам мумкин экан.

Ёки янги клуб тузиб, уни қуйи лигадан ҳозирга қадар премьер лигага олиб чиқиб, бемалол топ жамоага айлантирса бўларкан.

Гвардиола қоп-қоп пулларга муҳтож мураббийми?