Яхшибоев йил давомида қандай натижаларга эришди?

Мавсумни деярли стабил ўтказган Жасурбек Яхшибоев эса ҳатто номзодлар бешлигидан ҳам ўрин ололмади. Демак, унинг йил давомида эришган натижаларини эслаб ўтамиз:

- гол+пас системаси бўйича Беларусь чемпионати ўтган мавсумида энг яхши натижани қайд этди – 22 очко (16 гол ва 6 ассист);

- Беларусь чемпионати ўтган мавсум тўпурарлари рўйхатида 2-ўринни эгаллади – 16 гол;

- Беларусь чемпионатида мавсум якунларига кўра, йил рамзий жамоасидан ўрин олди;

- Беларусь чемпионатида мавсум якунларига кўра, энг кўп дриблинг қилган футболчилар бешлигидан жой олди – 189 уриниш, улардан 93 таси самарали

- “Энергетик-БГУ” сафида “йил футболчиси”, "энг яхши легионер" ҳамда "энг яхши ҳужумчи" номинацияларида ғолиб бўлди;

- “Шахтёр-Солигорск” билан Беларусь чемпионатида ғолиб чиқиб, ЕЧЛ саралашига йўл олди;

- ўзи ҳаракат қилган жамоаларда бир неча бор “ой футболчиси”, “man of the match” эътирофларига сазовор бўлди ҳамда Беларусь Олий Лигаси томонидан эълон қилинган тур рамзий жамоаларидан ўрин олишга ҳам эришди.

Клубдаги умумий статистика:

Беларусь чемпионати – 27 ўйин, 16 гол, 6 пас;

Беларусь Кубоги – 1 ўйин, 2 та гол;

Европа Лигаси саралаши – 1 та ўйин;

Жами – 29 баҳсда 24 очко (18 гол ва 6 пас).

Терма жамоа сафида Эронга (1:2) қарши ўртоқлик ўйинида майдонга тушиб, 45 дақиқа ҳаракат қилди.

Қўшимча: Transfermarkt ҳисоб-китобига кўра, 23 ёшли вингернинг нархи 600 минг евродан 750 мингга кўтарилди (8 декабрь ҳолати).

Маълумот ўрнида, Беларусь нашрларида Яхшибоев "Шахтёр" (Солигорск)нинг тақдирлаш маросимида иштирок этмагани айтилганди, аммо клуб расмий сайтида берилган фотоларда Жасурни жамоа билан чемпионликни нишонлаётганини кўриш мумкин:

Элдор Акмурзаев тайёрлади