Япония термаси дарвозабони: "Осиё кубогини қўлга киритишимиз керак"

- Ажойиб ўйин бўлди. Бироқ хато сабаб ўз дарвозангиздан тўп олиб чиқдингиз. Шу ҳақда нима дея оласиз?

- Бугун мен учун "қуруқ" ўйин ўтказиш муҳим эди, аммо жамоанинг ғалабаси биринчи ўринда туради. Ҳар бир ўйинда ғалаба қозонишни истайман. Саросимага тушмасликка ҳаракат қиламан. Афсуски, бугун биргина хато менга қимматга тушди. Бу ўйиндаги биргина камчилигим айнан шу вазият бўлди.

- Охирги икки ҳафта давомида мухлислар томонидан қандай қўлловни ҳис қилдингиз?

- Биз Қатарда ўйнаётган бўлсак ҳам, жуда кўп мухлислар стадионга келишди. Улар бизни руҳлантиришди. Айнан мухлислар учун энг яхши ўйинимни намойиш қилмоқчиман. 

- Гол ўтказиб юборганингиздан сўнг мураббий сизга нималардир деди? Шу ҳолатни айтиб бера оласизми?

- Мураббий менга барчаси жойида эканлиги ва ўйиндан завқ олишим кераклиги ҳақида гапирди. Мен шундай қилдим. Бу мусобақани ютишимиз керак. Бу мақсад йўлида қўлимдан келган барча ишни қиламан. Бу осон бўлмайди, лекин барча ўйинларда ғалаба қозонамиз.

Жалолхон Иноғомхўжаев