"Янгиер-қурувчи" Тошкентда "Нефтчи"га қарши ўйнайди
09 июл 2022 23:30
Янгиликлар

"Янгиер-қурувчи" Тошкентда "Нефтчи"га қарши ўйнайди

Ўз қароргоҳида ўқув-машғулотини давом эттираётган "Янгиер-қурувчи" жамоаси ёзги тайёргарлик йиғини доирасида назорат учрашувларини ҳам ўтказиши олдиндан режалаштирилган.

Режага кўра, янгиерликлар Суперлига ва Про лига иштирокчиларига қарши назорат баҳсида иштирок этишни мақсад қилган.

Шу сабабли “Янгиер-қурувчи” клуби ёзги йиғини давомидаги дастлабки назорат беллашувини 13 июль санасида Тошкентда Виталий Левченко бошчилик қилаётган “Нефтчи” жамоасига қарши ўтказади.

Навбатдаги беллашув эса 16 июль кунига белгиланган бўлиб, шу куни жамоа “Ғиждувон”га қарши ўтказишни режалаштирган.

Шунингдек, август ойига қадар бир нечта ўйинлар ташкил қилиниши кўзда тутилган. Жумладан, Суперлиганинг бир нечта жамоалари билан баҳслашиш борасида келишувга эрилишган. Бу ҳақда клуб матбуот хизмати кейинроқ батафсил маълумот беради.

Ҳавола :

Манба : “Янгиер-қурувчи” матбуот хизмати

Янгиликларни Телеграмда ўқинг!

Рейтинг: +1