Хитойдаги ҳамюртларимиз навбатдаги турни ўтказишди

Эътиборингизни ҳамюртларимиз иштирокидаги ўйинларга қаратамиз.

"Чанчун Ятаи" ўз уйида "Ханджоу Лучен"ни қабул қилди ва 2:2 ҳисобида дуранг ўйнади. Учрашувда Анзур Исмоилов майдон эгалари сафида тўлиқ ўйнади. "Чанчун Ятаи" 12 очко билан 14-ўринда бормоқда. Клуб кейинги ўйинни 14 июль куни ўз майдонида "Шандонг Луненг"га қарши ўтказади.

"Чанчун Ятаи" - "Ханджоу Лучен" 2:2
Голлар: Занг Вензао 2, 19 пенальти - Зинко 30, Анган 72.

"Бейдзин Гоан" сафарда "Шанхай Ист Эйша"ни йирик ҳисобда мағлуб этди - 3:0. Ўйинда Егор Кримец 32-дақиқада захирадан Кануте ўрнига майдонга тушди. "Бейдзин" 26 очко тўплаган ҳолда мусобақа жадвалининг 4-поғонасидан ўрин олган. Клуб навбатдаги ўйинни 14 июль куни ўз уйида "Хубеи Люйин"га қарши ўтказади.

"Шанхай Ист Эйша" - "Бейдзин Гоан" 0:3
Голлар: Шао Жиайи 10, Гуеррон 58, Ван Хао 75.
Четлатиш: Ланг Зенг 14 ("Бейдзин Гоан")

"Жиангсу Сейнти" эса сафарда "Хубеи Люйин"га ютқазиб қўйди - 1:2. Ўйинда меҳмон жамоа таркибида ҳамюртимиз Камолиддин Тожиев тўлиқ ўйнади. "Жиангсу" 20 очко билан 7-ўринда қолди. Клуб кейинги ўйинни 14 июлда мамлакат чемпиони "Гуанжоу"га қарши ўтказади.

"Хубеи Люйин" - "Жиангсу Сейнти" 2:1
Голлар: Акабуезе 9,53 - Йевтич 75.