Войнески иккинчи, Бердиев ягона, Черандан дубль. "Пахтакор" - "Насаф" учрашувига оид 6та факт

"Пахтакор" ўз тарихида иккинчи бор Суперкубокни қўлга киритди ёхуд Самарқанддаги сценарий такрорланди 

Бош соврин бу сафар ҳам "Пахтакор"га насиб қилди. "Насаф" билан ўйинда Чераннинг биргина голи "шерлар"нинг ғалабаси учун етарли бўлди. Биз эса мазкур беллашувга оид фактларни келтириб ўтамиз. 

1. Славче Войнески Ўзбекистон Суперкубогида ғолиб чиққан иккинчи хорижлик мураббийга айланди. Бундай вазифани биринчи маротаба ўтган мавсум Питер Хюистра бажарган эди. 

2. "Пахтакор" Суперкубокни қўлга киритиш борасида "Локомотив"га етиб олди. Бу икки жамоанинг музейида 2тадан Суперкубок бор. 

3. "Пахтакор" - "Насаф" ўртасида кечаётган Суперкубокларда 1тадан ошиқ гол урилаётгани йўқ. Яйпанда ҳам мазкур анъана давом этди. 

2016. "Насаф" - "Пахтакор" 1:0

2021. "Пахтакор" - "Насаф" 1:0

2022. "Пахтакор" - "Насаф" 1:0

4. Рўзиқул Бердиев битта жамоа билан 3та Суперкубокда  иштирок этган ягона мураббий бўлди. Бунга қадар Вадим Абрамов ( "Локомотив" бошқарувида 2014, 2015), Миржалол Қосимов ("Бунёдкор" ва АГМК жамоаси билан 2014, 2019) иккитадан ўйинда қатнашган. 

5. Драган Черан кетма-кет иккинчи йил Суперкубокда ғалаба голини урди. Шу билан бирга у 2та гол билан Андрей Акопянц, Леонид Кошелев, Темурхўжа Абдухолиқовга етиб олди. 

6. Сариқ карточкалар бўйича 2014 йил Ўзбекистон Суперкубогидаги рекорд такрорланди. Ўшанда Равшан Эрматов "Локомотив" - "Бунёдкор" учрашувида футболчиларга жами 8та сариқ карточка кўрсатган эди.