"Водий футболи": Гесс эртага Андижонга келади

"Нефтчи": Черемисин Фарғонага келди

Фарғонанинг "Нефтчи" клуби икки кундан буён ўз қароргоҳида йиғин ўтказмоқда. Мурод Исмоилов шогирдлари Қиргули стадионида машғулотларда қатнашишмоқда.

Клубнинг хорижлик посбони Евгений Черемисин ўз юртидан қайтиб келди ва машғулотларга қўшилди.

"Навбаҳор": Ҳозирча Волков билан шартнома тузилмади

Аввалроқ Александр Волковни жамоамизда жисмоний тайёргарлик бўйича иш бошлаши ҳақида хабар бергандик.

Айни пайтда Волков масаласи маълум сабабларга кўра очиқ турибди. Шу сабабли, уни жамоамизга ўтиши тўлиқ ҳал бўлганича йўқ.

Волков билан боғлиқ масала яқин кунлар узил-кесил ҳал этилади.


"Андижон": Гесс эртага келади

"Андижон" клуби иккинчи даврага тайёргарликни Тошкент вилоятининг тоғли ҳудудларда эмас Тошкентда ўтказадиган бўлди.

Жамоа тайёргарликни аллақачон бошлаб юборган. Ҳозирча машғулотларни Виталий Легай ва Қаҳрамон Абдуқодиров олиб боришмоқда.

Бош мураббий Эдгар Гесс ва унинг ёрдамчиси Олег Тюлькин Андижонга 13 июль куни келишади.