Витсель: "Бавария" яхши формада эмас, "Боруссия" бундан фойдаланиб қолиши керак"

Эслатиб ўтамиз, ушбу жамоалар ўртасидаги баҳс бугун "Сигнал Идуна Парк"да бўлиб ўтади.

"Бавария" доимо кучли. Ҳозир мюнхенликлар аввалги йиллардагидек яхши формада эмас, шу сабабли бундан фойдаланиб қолишимиз керак. Рақибнинг муаммоларига қарамасдан, ўйин қийин бўлади. Бироқ уй стадионимиз, ажойиб мухлисларимиз ва кучли футболчилар билан ғалаба қозона оламиз. Алоҳида бир ўйинда ҳамма нарса бўлиши мумкин.

"Бавария" Германия чемпионатида устунлик қилишга ва Чемпионлар лигасида яхши иштирок этишга ўрганиб қолишган. Улар ҳар йили соврин қўлга киритишади. "Бавария" тажрибали жамоа. Бу борада рақиб биздан устун, аммо "Боруссия"нинг ёш футболчилари ақлга сиғмайдиган ишларга қодир" - дейди Витсель.