Веско Стешевич: "Пахтакор" - бизга қарши ўйинда ҳисобда олдинда бориб, вақтни чўзмаган ягона жамоа бўлди"

Веско Стешевич: "Йигитларимиз бугун яхши ҳаракат қилишди. Менимча, биринчи бўлимда ёмон кўринмадик. Иккинчи таймда баъзи ўзгаришлар амалга оширдик ва ҳисобни тенглаштиришимиз мумкин эди. Йигитлар шу руҳда ўйнашда давом этса, кўп очко тўплай оламиз. Рақибни ғалаба билан табриклайман. Улар бизга қарши ўйинда ҳисобда олдинда бориб, вақтни чўзмаган ягона жамоа бўлди. Уларга омад тилайман."

- "Металлург" бугун яхши ўйин намойиш этди. Гол уриш учун жамоага нима етишмади?

- Баъзида сўнгги пас ноаниқ бўлди, баъзида тўғри қарор қабул қила олмадик.

- Ушбу ўйинда "Сурхон"даги сценарий такрорланди. Бугунги ва ўша баҳс ўртасида қандай фарқ бор? Айни дамда "Металлург" қандай футболни қуришга ҳаракат қиляпти?

- "Сурхон"га қарши баҳс бошқачароқ ўтганди. Ўша баҳсда ўйинни ёмон бошлаганмиз. Ўйинимиз рақибга ва таркибимизнинг ҳолатига боғлиқ.

- Ўринбоев ўйини ҳақида нима дея оласиз? Сиз уни қайта кашф қилдингиз.

- Забиҳилло Ўринбоев "Металлург" футболчиси эканидан хурсандман. У инсон ва футболчи сифатида ўзини яхши томондан намойиш этмоқда. Забиҳилло охиригача курашади. Ўринбоев шу руҳда давом этса, келажакда янада кўпроқ гол уриши мумкин. Унинг ўйинида ҳеч нарсани ўзгартирмадим. Унинг ўзи ўзгарди. Забиҳилло шунчаки кўрсатмаларимизни бажармоқда.