Венгер Уолкотт билан хайрлашиш истагида эмас
27 окт 2017 00:10
Янгиликлар

Венгер Уолкотт билан хайрлашиш истагида эмас

“Арсенал” бош мураббийи Арсен Венгер жамоа футболчиси Тео Уолкоттнинг клубни тарк этмаслигини маълум қилди.

Бир муддат аввал “канонирлар”нинг афсонавий футболчиси Иан Райт Уолкоттни ўз хоҳишига биноан “Арсенал”ни тарк этишга чақирганди. Венгер айнан шу ҳолатга ўз фикрини билдирди.

“Мен Теонинг кетишини истамайман. Ҳали унинг Премьер-лигадаги юлдузли онлари келади. Шахсан мен бунга ишонаман”, — деди Венгер.

Жорий мавсумда Уолкотт “Арсенал” сафида 8 та учрашувда майдонга тушиб, 3 та гол киритишга ва битта голга ассистентлик қилишга муваффақ бўлди. Премьер-лигада эса бор 47 дақиқа ҳаракат қилди.