Варан келажаги борасида бир қарорга келди

Манбанинг хабарига кўра, франциялик марказий ҳимоячи фаолиятини ушбу жамоада якунламоқчи. Бу борадаги қарорини у жамоа сардори Серхио Рамосга маълум қилган.

Жаҳон чемпионининг бу қарорини Флорентино Перес ҳам эшитган ва шу боисдан ҳозирда футболчига узоқ муддатлик шартнома тайёрланмоқда.

Варан "Реал" таркибида 2011 йилдан буён фаолият олиб бормоқда. Шу вақтдан буён у "қироллик клуби" таркибида 252 ўйинда 10 гол уриб, 6 голга ассистентлик қилди. Унинг жамоаси билан шартномаси 2022 йилга қадар давом этади.