"Вальядолид" ва "Райо Вальекано" ўз футболчиларини Каталония терма жамоасига қўйиб юборишмади
20 мар 2019 16:04
Янгиликлар

"Вальядолид" ва "Райо Вальекано" ўз футболчиларини Каталония терма жамоасига қўйиб юборишмади

Венесуэлага қарши ўртоқлик ўйини учун Каталония терма жамоасига чақирилган "Райо Вальекано" ва "Вальядолид" футболчилари ўз клублари тасарруфида қолишади.

Маълумотларга кўра, иккала клуб ҳам ўз футболчиларини ўртоқлик учрашувига қўйиб юбормади, чунки улар айни дамда ЛаЛигада жон сақлаб қолиш учун курашишмоқда. "Райо" ва "Вальядолид" раҳбарларининг фикрича, футболчилар ўз жамоаларига чемпионатда ёрдам бериш учун ўзини ортиқча қийнамасликлари лозим.

Эслатиб ўтамиз, Каталония терма жамоасига "Вальядолид"дан дарвозабон Жорди Масип ва Рубен Алькарас чақирилган. "Райо"дан эса посбон Альберто Гарсия, ҳимоячи Алекс Морено ва хавбек Алейш Гарсия Каталония терма жамоасига таклиф қилинган.

Каталония - Венесуэла учрашуви 25 март куни Жиронада бўлиб ўтади.

Ҳавола :

Манба : Marca

Янгиликларни Телеграмда ўқинг!

Рейтинг: -4